والله أيام يا زمان
غناء ملك القلوب الحزينة: مصطفى سيد أحمد
والله أيام يا زمان … ببكي وأتحسر عليك
وما بقول العشناه كان … وأرمي حبت لومي فيك
والله أيام يا زمان ..
لسه راجيك يازمان … بحبة الذكرى المعاي
عايشه في وجداني جوة … ولسة بتدغدغ حشاي
ويمكن الحبيتو مرة … يلقى في كلمات غناي
فاصله بتصحي المشاعر … ويمكن الطول سهادي
تغشى ليلاتو البشاير .. ويمكن الفرح الزمان ..
لسة أصداءه بترن .. غنوة حاضناها الضفاير
والله أيام يا زمان ..
جايز الأيام تحن … وتصحي فيك نبل المشاعر
ويمكن المجروح يئن … وتغشى ليلاتو البشاير
ويمكن الفرح الزمان ... لسة أصداءه بترن ...
غنوة حاضناها الضفاير ..
والله أيام يا زمان .. والله أيام يا زمان ..
******
ليست هناك تعليقات:
إرسال تعليق